Áhugavert
Sveppir svo góðir
Nú stendur sveppatíminn sem hæst en hann stendur að jafnaði frá miðjum júlí og fram að fyrstu frostum. Margir eiga sína uppáhaldsstaði til að tína sveppina á og fara ár eftir ár í tínslu.
Flestir þurfa að láta leiðbeina sér nokkuð og eru jafnvel hræddir við að sveppirnir getir verið eitraðir. Það er þó hinn mesti misskilningur. Best er að tína sveppi í þurru veðri eftir rigningar. Ekki er gott að tína blauta sveppi því þá eru þeir slímugir og slepjulegir.
Útbúnaður fyrir sveppatínslu er ekki flókinn. Gott er að hafa með í för tágakörfur eða pappakassa og vasahníf. Það verður að leika loft um sveppina þannig að það er ekki gott að setja þá í plastpoka.
Hundruð sveppategunda vaxa hér á landi og flestar þeirra eru ætar.
Ómissandi fyrir byrjendur er að hafa með sér bókina Villtir matsveppir á Íslandi eftir þær Ásu Margréti Ásgrímsdóttur og Guðrúnu Magnúsdóttur.
Frábær bók með góðum upplýsingum og myndum.
Úr 11. tölublaði af Gestgjafanum
