Ameríska BBQ blaðið er komið út

Nú er komið út tölublað sem við tileinkum vinum okkar í vestri. Í Ameríku hrærist saman allt það nýjasta sem er að gerast í matarmenningu en eins og allir vita koma þar saman margir ólíkir menningarheimar og úr verður mikill suðupottur matarhefða. Við skoðuðum BBQ-rétti, settum kalkúna á grillið, kynntumst nokkrum viðmælendum sem búið hafa í Bandaríkjunum, útbjuggum pylsur og hamborgara á nýstárlegan hátt og gerðum úttekt á frægum amerískum kökum.

Súkkulaðibitasmákökurnar fá sitt pláss enda koma þær fljótlega upp í hugann þegar minnst er á Ameríku. Og hver kannast ekki við ameríska ísskápa og eldavélar? Við skoðuðum tækin líka. Verslunarmannahelgin  og fjölskylduhátíðir voru kannaðar og fjölmargar hugmyndir að veitingum voru hannaðar og búnar til. Það verður enginn svikinn af þessu tölublaði!