Gaddakylfan á lofti

MANNLÍF, Hið íslenska glæpafélag og Grand Rokk lýstu eftir smásögum í glæpasagnakeppnina GADDAKYLFAN 2007 í vor. Fjölmargar sögur bárust í keppnina sem nú var haldin fjórða árið í röð. Tólf sögur sem skáru sig úr fjöldanum eru birtar í bókinni Glæpur sem fylgir Mannlífi í júlí. Dómnefnd valdi þrjár bestu sögurnar í bókinni. Höfundur sigursögunnar mun hampa GADDAKYLFUNNI, glæsilegum verðlaunagrip úr smiðju listakonunnar Koggu.

Þórarinn Þórarinsson, aðstoðarritstjóri Mannlífs, var formaður dómnefndar.

Höfundar þriggja bestu sagna GADDAKYLFUNNAR 2007 voru verðlaunaðir sérstaklega á Grand Rokk þann 4. júlí í glæpateiti.

Nýtt tölublað Mannlífs er komið út!

Smásögubókin GLÆPUR fylgir frítt með!

Yfirheyrslan - Geiri á Goldfinger.
Starfið mitt - Ari Sigvaldason hætti í fréttum og gerðist kaupmaður.
Klámvæðingin í algleymingi - Sex ungir femínistar láta kné fylgja kviði.
Erlendar og innlendar fréttastiklur          
Mikilvægast í lífinu - Örlagadagurinn í lífi Sigríðar Arnardóttur.
Þetta er ... - Fríða Rún Þórðardóttir frjálsíþróttakona.
Sögupersónan - Fidel Castro, fleinninn í Karíbahafi.

Gaddakylfan á lofti
Úrslit í glæpasmásagnakeppni Mannlífs, Hins íslenska glæpafélags og Grand Rokk liggja fyrir. Sigursögurnar fjalla m.a. um einelti, sturtumorð og listrænt lík.

Ofbeldi gegn samkynhneigðum
Umburðarlyndi og viðurkenning virðist ekki enn hafa unnið á hatri og fyrirlitningu og dæmi um árásir á samkynhneigða eru mörg.

Rússneski björninn rumskar
Þótt vorið sé komið í efnahagslífi Sovétríkjanna sálugu er of snemmt að lýsa yfir sigri lýðræðisins og markaðarins því eins og er sýnir Pútín hvoru tveggja lítinn áhuga.

Úr kastljósinu til Kína
Jónína Bjartmarz, fyrrverandi umhverfisráðherra, féll af þingi í vor. Hún stígur þó sátt af pólitíska sviðinu og gerir upp feril sinn í Mannlífsviðtali um leið og hún gerir upp við framagosana í Framsókn og ræðir um ríkisborgararétt unnustu sonar síns.

Sumarsnyrtivörur – Flottheit – Mannlífið - Skálað í sumarsólinni í Reykjavík – Veiði – Hestar – Póstkort frá Tasiilaq – Myndlist – Kaffihúsaspekingurinn – Kvikmyndir.