Útgáfa
160 jólagjafahugmyndir
160 jólagjafir // Hús og híbýli léttir þér jólaundirbúninginn, en ekki hvað? Við fórum í búðir út um allan bæ og tíndum til 160 „skotheldar“ jólagjafir. Íslensk hönnun er að sjálfsögðu áberandi, enda talin verða jólagjöfin í ár.
Jóladraumur á sveitasetri // Við kíktum á hlýlegt heilsárshús sem búið var að klæða í jólabúninginn. Samt ekki þennan rauða hó, hó, hó-jólabúning, heldur náttúrulegan sveitasjarmajólabúning.
Flottir aðventukransar // Hjá fjórum blómabúðum í bænum fengum við sýnishorn af flottum aðventukrönsum, eins og menn á þeim bæjum vilja hafa þá; Dans á rósum, Blómaverkstæði Binna, Breiðholtsblóm og Garðheimar.
Það snarkar í arineldinum // Anna María Gunnarsdóttir og Friðrik G. Friðriksson eiga einstaklega fallegt hús á Seltjarnarnesi. Jólin eiga sérstakan stað í hjörtum allra í fjölskyldunni.
Jólakúlur // Vantar þig nýjar kúlur á tréð? Auðvitað, það er alltaf hægt að gera gott betra. Hér er sýnishorn af úrvalinu.
Flottustu jólapakkarnir // Við fengum nokkra snillinga úr ýmsum áttum til að koma með tillögu að flottum og sniðugum pökkum fyrir jólin.
Jólaævintýri Birnu // Jólin eiga hug og hjarta Birnu Jóhannsdóttur, húsfreyju í Grafarvogi. Hún er hluti af skemmtilegum föndurklúbbi sem kemur reglulega saman.
Nú verður spilað ... // Við kíktum í tvær aðalspilabúðir landsins og völdum spil af ýmsum gerðum fyrir spilavertíðina fram undan; ný, klassísk, óhefðbundin og partíspil.
Hús með sál // Anna Kristín Hjartardóttir arkitekt býr með manni sínum, Stefáni Kjartani Ríkharðssyni smið, í sjarmerandi húsi eftir Aðalstein Richter, arkitekt í Vogahverfi.
