JÚLÍA

Tímaritið heitir Júlía og er fyrir hressar, kátar og snjallar unglingsstelpur.

4.9.2009

Fyrsta tölublað Júlíu kemur út þann 24. september. Júlía er tímarit fyrir hressar, kátar og snjallar unglingsstelpur.

Til að nefna nokkur dæmi um efni þá verða fjölbreytt viðtöl, t.d. verða í fyrsta tölublaðinu viðtöl við Zac Efron og Kristin Stewart, ásamt grein um Twilight. Þá verður í tímaritinu tískuþáttur Haffa Haff og góð tískuráð frá stjörnunum. Einnig geta lesendur tekið skemmtileg sjálfspróf, sent inn lesendabréf eða sniðugar smásögur, sögur um vandræðalegustu atvikin eða óskað eftir pennavinum. Markmiðið er að Júlía sé góð vinkona sem styrki sjálfsmynd íslenskra stúlkna, að tímaritið sé holl og skemmtileg lesning.

Forsíðusamkeppni
Júlía boðar til forsíðusamkeppni þar sem leitað er að góðum fyrirmyndum; stúlkum sem eru duglegar í skóla, íþróttum, tónlist eða öðru því sem þær taka sér fyrir hendur. Við einblínum alls ekki á ytri fegurð heldur horfum frekar á þá innri og spyrjum stelpurnar nokkurra spurninga um áhugamál, athafnir og daginn og veginn auk þess sem við tökum myndir af hverri fyrir sig.

Forsíðusamkeppnin verður þann 5. september í Vetrargarðinum (Smáralind), klukkan 10. Dómnefnd mun velja úr hópnum 5 stúlkur á aldrinum 10-15 ára sem munu birtast á forsíðu Júlíu í vetur.

Til þess að skrá sig senda stúlkurnar tölvupóst á netfangið julia@birtingur.is ásamt nafni, aldri, heimilisfangi og síma.

Vertu vinkona Júlíu áFACEBOOK!

Til baka, Senda grein, Prenta greinina