Útgáfa
BAÐBLAÐIÐ!
Innlit, hönnun og 30 síður um baðherbergi!
Hið árlega Baðblað er mætt á svæðið! Stefnan er sett á að veita lesendum innsýn í heim baðherbergjanna og kíktum við því á nokkur nýleg og flott. Ýmsir eru kannski ekki í framkvæmdafíling þessa dagana þannig að við leggjum einnig nokkra áherslu á dekur, sem kostar oft ekki meira en tímann sem það tekur.
Skautadrottning í Hlíðunum - Við heimsóttum grafíska hönnuðinn Ernu Hreinsdóttur í Hlíðarnar þar sem hún hefur hreiðrað vel um sig. Hún er ljóshærð og litfríð, skemmtilega skondin, hláturmild og uppátækjasöm. Og alveg hreint ótrúlega fim á skautasvellinu.
Svolítið a la Scala - Glæsileikinn ræður ríkjum á heimili Bergþórs Pálssonar óperusöngvara og sambýlismanns hans, Alberts Eiríkssonar. Húsgögn í antíkstíl, kristall og gljáandi flygill skreyta rýmið. Þeir fullyrða þó að ekkert á heimilinu sé útpælt.
Auður Capital kaupir í Góða hirðinum - Fjármálafyrirtækið Auður Capital hefur skapað sér sérstöðu á markaðnum fyrir hyggjuvit. Í Borgartúni er að finna nýjar höfuðstöðvar þess og er óhætt að fullyrða að þessar höfuðstöðvar líkjast ekki neinu öðru fjármálafyrirtæki á Íslandi.
Lilja Nótt - Nýútskrifaða leikkonan Lilja Nótt Þórarinsdóttir tók á móti okkur og valdi tíu hluti í sinni eigu sem hún heldur sérstaklega upp á.
ANNAÐ
- HITT + ÞETTA
- SPURT OG SVARAÐ
- GLÆNÝ HÖNNUNARBÓK
- 10 MILLJÓNIR AURORU
- NÝJAR BÚÐIR
- ÁSKRIFENDATILBOÐ
- HÖNNUNARSAGAN
- UPPÁHALDSHÚSIÐ
