Mafían

SAGAN ÖLL er skemmtilegt og fróðlegt tímarit, undir ritstjórn Illuga Jökulssonar, hefur tekist afar vel að höfða til allrar fjölskyldunnar. Í hverju tölublaði eru meðal efnis sniðugar greinar, skemmtilegir punktar, getraun fyrir alla til að spreyta sig á og fyrir krakkana eru settar upp á einfaldan hátt skemmtilegar staðreyndir úr sögunni.

·         Grafið úr gleymsku - Jafnrétti kynjanna á steinöld - Kvikmyndin Casablanca var talin
          myndi ,,floppa“.

·         Þúsund orð - Þegar kóngurinn kom til Íslands fyrir 100 árum.

·         Það gerðist í júní.

·         Spurningar og svör - Af hverju heitir jeppi jeppi?

·         Hjásagan – Hvað hefði orðið öðruvísi ef ...?

·         Krakkasagan - Saga Rómaveldis í örstuttu máli!

·         Í stuttu máli - Ævi Williams Shakespeares.

·         Bækur og blöð – Sagan Öll segir frá Sögu.

·         Sögugetraunin – Og hver er maðurinn?

BASKAVÍG Á VESTFJÖRÐUM - Haustið 1615 fórust þrjú basknesk hvalveiðiskip á Vestfjörðum. Tugir Baska komust af og sáu fram á að hafa vetursetu á Íslandi. En Íslendingar, með Ara sýslumann í Ögri fremstan í flokki, brugðust hart við og réðust á Baskana og drápu alla þá sem þeir komu höndum yfir. Sagan öll segir frá þessum svarta bletti Íslandssögunnar.

MAFÍAN Í BANDARÍKJUNUM - Ítölskættuð glæpasamtök komu rækilega undir sig fótunum er áfengisbann var við lýði í Bandaríkjunum. Í marga áratugi á eftir voru mafíósarnir víðfrægir í samfélaginu og margir litu á þá sem hetjur. En þeir voru samviskulausir glæpamenn.

GARBO DROTTNING - Árið 1933 sendi Hollywood frá sér kvikmynd um hina sænsku Kristínu drottningu. Hin sænska Greta Garbo lék aðalhlutverkið. Ævi þeirra tveggja var ekki ósvipuð.

ORRUSTAN VIÐ JÓTLAND - Árið 1916 mættust orrustuflotar Breta og Þjóðverja í gríðarlegum slag úti fyrir ströndum Jótlands. Þetta var mesta sjóorrusta sögunnar og 9.000 manns létu lífið.

TÍMI NORNARINNAR - Galdrafárið í Evrópu þykir einhver myrkasti og furðulegasti tími sögunnar. Fjöldi fólks, ekki síst konur, var tekinn af lífi fyrir að hafa selt Satan sál sína.

HANNES OG RAGNHEIÐUR - Hannes Hafstein ráðherra elskaði konu sína svo ofurheitt að þegar hún andaðist skyndilega syrgði hann hana svo mjög að hann varð aldrei samur maður.