„Viltu lofa mér því …“

Það er eitthvað við það að horfa á atvinnudansara hreyfa sig, hvernig þau sveigja og teygja líkamann, fetta sig og bretta, á það áreinslulausan hátt að maður fer að trúa því að maður geti staðið upp úr leikhússætinu og leikið þetta eftir. Þá er þó gott að minna sig á það að á baki hverjum snúning og hverju stökki er áralöng þjálfun, drifin áfram af ástríðu og trú á dansinum sem listgrein. Íslenski dansflokkurinn er aðal­drif­­fjöðurin í dans­­heiminum hér­­lendis. En megin­markmið flokksins er að vekja og við­halda áhuga almennings á list­forminu. Hann lætur sér annt um áhorfendur sína og vill mæta þeim á fjöl­breyttan hátt. Næsta föstudag frumsýnir flokkurinn nýtt verk eftir þekkta spænska danshöfunda á stóra sviði Borgarleikhússins.