10 góð ráð svo smærri rými virki stærri 

Í smærri rýmum skiptir skipulagið máli og hægt er að bæta nýtingu þeirra með nokkrum ráðum. Með því að huga að efnis- og litavali, húsgögnum og lýsingu geta lítil rými notið sín betur. Hér fylgja 10 góð ráð sem geta blekkt augað svo smærri rými virki stærri. 1. Speglar. Eitt af algengustu ráðunum er að nýta spegla í smærri rýmum. Speglar endurvarpa bæði birtunni og rýminu sjálfu og búa þannig til blekkingu svo rýmið virðist hafa stækkað. 2. Ljósir veggir. Stærstu fletir rýmis eru veggirnir og það getur hjálpað rýmistilfinningunni að þeir séu ljósir svo það virki stærra. En til...