Föðurarfinum var stolið af börnunum mínum

Fyrir nokkrum árum lést fyrrverandi maðurinn minn úr krabbameini en enn fæ ég óbragð í munninn þegar ég hugsa um atburði sem átti sér stað í aðdraganda andláts hans. Þá dró sambýliskona hans hann hálfmeðvitundarlausan vegna morfíngjafar til prests og fékk hann til að gifta þau, 11 dögum áður en hann lést. Þetta var gert í trássi við hans vilja og ekki hafði tekist að snúa þessu við þegar hann féll í dauðadá og lést skömmu síðar. Nýlega frétti ég af sambærilegu máli og vil þess vegna segja þessa sögu öðrum til varnar. Ég kynntist Sigurði þegar við vorum bæði