Leyndardómur og misskilningur um starf vínfræðingsins

Umsjón: Guðný HrönnMyndir: Hákon Davíð Björnsson Vínfræðingurinn og vínþjónninn Alba E. H. Hough tók nýverið við sem forseti Vínþjónasamtakanna. Hún hefur mikla reynslu í faginu og hefur keppt á fjölda móta fyrir hönd Íslands víða um heim. Alba segir starfið sitt vera „geggjað“ en segir fagið sveipað leyndardómi og hún vill breyta því. „Ég byrjaði að læra framreiðslu fyrir óþægilega mörgum árum,“ segir Alba og hlær þegar hún er spurð út í hvernig hún komst inn í veitingabransann. Alba útskrifaðist úr framreiðslunámi árið 2003 en móðir hennar er kokkur þannig að Alba hefur haft innsýn í veitingabransann frá unga aldri.