Tengingin við hafið alltumlykjandi

Umsjón: Guðný HrönnMyndir: Hákon Davíð Björnsson Gestgjafinn skellti sér nýverið í heimsókn á veitingastaðinn Sker Restaurant í hjarta Ólafsvíkur og hitti þar kokkinn Lilju Hrund Jóhannsdóttur. Staðurinn er fallega innréttaður þar sem tengingin við umhverfið er sterk. Lilja segir mikla áherslu hafa verið lagða á að gestir finndu að þeir væru í sjávarþorpi og matseðillinn ber þess merki. Þegar Lilja er spurð út í hennar bakgrunn segist hún ekki hafa ætlað að verða kokkur þegar hún var yngri en áhuginn á mat og matargerð kviknaði þegar hún stundaði nám í Hússtjórnarskólanum á Hallormsstað, þar fann hún hvar hæfileikar hennar lágu.