„Við erum margbúin að biðja um að fá þjónustuna heim“

Texti: Steingerður SteinarsdóttirMyndir: Díana Júlíusdóttir Sunna Valdís Sigurðardóttir, 14 ára, er með sjúkdóminn Alternating Hemiplegia of Childhood, en líkurnar á að fá hann eru einn á móti milljón. Faðir hennar, Sigurður Hólmar Jóhannesson, lýsti í viðtali við Vikuna þeim áskorunum sem fjölskyldan tekst á við, en umönnun Sunnu hvílir að mestu leyti á foreldrum hennar. Sunna var þriggja mánaða þegar læknar greindu hjá henni óeðlilegt augntif, fimm til sex mánaða fékk hún fyrsta kastið og var send í rannsóknir, sem ekkert kom út úr, en köstin jukust. Taugalæknir Sunnu hafði lært í Bandaríkjunum og ráðfæri sig við kollega sína þar.