Einfaldleiki og rólegheit í Þingholtunum

Umsjón: Guðný HrönnMyndir: Hákon Davíð Björnsson Í fallegri og vel skipulagðri íbúð í Þingholtunum búa þau Arna Engilbertsdóttir og Ívar Ketilsson en þau aðhyllast mínimalískan lífsstíl og leggja áherslu á að eiga fáa en vandaða hluti. Einfaldleiki ræður ríkjum á heimili þeirra og Arna segir það hafa góð áhrif á líðanina. Íbúðin, sem er 78 fermetrar, er á efstu hæð í húsi sem var teiknað af Gísla Halldórssyni og Sigvalda Thordarson og byggt árið 1947. Rúmum 30 árum síðar teiknuðu arkitektarnir Guðmundur Kr. Guðmundsson og Ólafur Sigurðsson viðbyggingu við húsið og árið 2003 var efstu hæðinni skipt í þrjár íbúðir.