„Ef fólk er ekki að horfa á Ted Lasso þarf það að taka sér frí strax á morgun“

Umsjón: Ragna Gestsdóttir Afþreyingin Bergrún Íris Sævarsdóttir, rithöfundur og teiknari Hlaðvarpið … Ég hlusta mjög mikið á hlaðvarp á meðan ég teikna og sinni heimilisstörfum. Þessa dagana hlusta ég mest á Virðing í uppeldi – hlaðvarp meðvitaðra foreldra, sem er virkilega vandað og áhugavert. Writing Excuses er hresst og fræðandi hlaðvarp sem tengist starfinu mínu svo ég tek oft skorpur og hlusta á nokkra þætti í röð. Glæpahlaðvörpin Morðkastið og My Favorite Murder eru frábær fyrir göngutúra, enda neyðist ég til að ganga lengra því ég er svo spennt að hlusta. Fyndnasta og sérstakasta hlaðvarpið sem ég er að hlusta