Mannleg reisn og tengsl við aðra

Texti: Steingerður Steinarsdóttir Ísland fyrri alda var grimmur staður. Fátæktin var allsráðandi meðal almennings og rændi marga sjálfsvirðingu og samúð. En svo voru höfðingjarnir sem skorti ekki neitt en beittu óspart grimmum vendi á samborgarana vegna þess að þeir gátu það. Víða glitti hins vegar í gimsteina í mannsorpinu og um það fjallar bók Arnalds Indriðasonar, Sigurverkið, fyrst og fremst. Jón Sívertsen úrsmiður flækist inn í geymslu í Kristjánsborgarhöll eftir að hafa verið kallaður til að gera við klukku í konungsgarði og rekst á dýrindisklukku eftir svissneska klukkusmiðinn Isak Habrecht. Þarna rykféll þetta mikla og flókna sigurverk og enginn hafði