Innblástur frá ólíkum menningarheimum

Umsjón/ María Erla KjartansdóttirMyndir/ Hákon Davíð Björnsson Í fallegu húsi í Kópavoginum búa hjónin Sigurbjörg Hjörleifsdóttir, eða Sibba eins og hún er kölluð, ásamt eiginmanni sínum Ólafi Inga Skúlasyni, börnum þeirra þremur og hundinum Rocky. Þau keyptu eignina árið 2013 en á þeim tíma bjuggu þau í Belgíu. Þau hafa í gegnum tíðina flutt milli fimm landa vegna atvinnu Ólafs en hafa nú fest rætur í Kórahverfinu. Þau fengu Rut Káradóttur í lið með sér en hér hafa þau skapað sér hlýlegt og tímalaust heimili sem hentar fjölskyldustærðinni vel. Segja má að heimilið beri þess vitni að þau hafi ferðast...