Lærum og leikum

Texti: Steingerður Steinarsdóttir Getur verið að skólakerfið sé úrelt? Að það byggi á eldgömlum hugmyndum um menntun og nám sem eigi ekki lengur við og hafi jafnvel aldrei átt við? Það er vel hugsanlegt því við vitum að mörgum strákum gengur ekki vel í grunnskólum landsins og sumir útskrifast þaðan nánast ólæsir. Margvíslegir sértækir námsörðugleikar eru vangreindir í kerfinu og sumir fá greiningu en ekki aðstoð við hæfi. Á sama tíma vitum við að í leikskólanum líður börnum almennt betur. Þar hafa verið innleiddar margvíslegar nýstárlegar kennsluaðferðir og leikur ævinlega uppistaðan í náminu. Börnum er jafnframt kennd hreyfing, slökun og...