Ósagða sagan

Texti: Steingerður Steinarsdóttir „Ekki er til verri kvöl en að bera ósagða sögu innra með þér.“ Þessa setningu er að finna í bókinni, Ég veit af hverju fuglinn í búrinu syngur, eftir Mayu Angelou. Það er fyrsta bókin í skáldævisöguflokki hennar og þar er að finna eina áhrifamestu lýsingu á afleiðingu kynferðisofbeldis gegn barni í gervöllum heimsbókmenntunum. Og líklega þekkja allar konur hversu mjög svíður undan ósögðu sögunni. Hvernig það er að mæta manni sem hefur beitt þig ofbeldi og láta sem ekkert sé. Hversu fast þarf að klemma aftur munninn til að segja ekkert vegna þess að það getur