Indælu nágrannarnir

Fyrir ótal mörgum árum áttum við hjónin, ógift á þeim tíma og nýbúin að eignast okkar fyrsta barn, mjög indæla nágranna sem vildu allt fyrir okkur gera. Þau voru afar trúuð en okkur grunaði ekki að þau væru með plön fyrir okkur varðandi framtíðina. Ég var átján ára og Ingi nítján þegar við fórum að búa saman og þá var sonur okkar nýfæddur. Vissulega voru tímarnir aðrir en núna og að verða móðir átján ára þótti kannski frekar í yngra lagi en var alveg innan rammans. Við Ingi vorum fimmtán og sextán þegar við byrjuðum að vera saman og erum