Lífræn og náttúruleg form 

Belgíska listakonan Roos Van de Velde hannaði áhugaverðan borðbúnað í samstarfi við hönnunarfyrirtækið Serax árið 2019 en umrædd lína fæst núna í Norr11. Lífræn form einkenna hönnun Roos Van de Velde en innblásturinn kemur einna helst úr náttúrunni.  Gafflar, skeiðar og hnífar sem líkjast trjágreinum og postulínsmunir sem eru óreglulegir í laginu og minna svolítið á skeljar er meðal þess sem Roos Van de Velde hannaði í samstarfi við Serax.  Hönnunarfyrirtækið Serax var stofnað fyrir rúmum 30 árum og sérhæfir sig í samstarfi við hönnuði víðs vegar  úr heiminum.  Núna fæst hönnun Roos Van de Velde í Norr11.