Straumar og stefnur í vortískunni

Texti: Steingerður Steinarsdóttir Vor er í lofti, brum komið á trén, grasið tekið að grænka og túlípanar, krókusar og snæstjörnur hafa skotið upp kollinum í görðum. Hjá sumum fylgir þessu útþrá og athafnagleði en líka löngun til að kasta af sér þykkum, dökkum vetrarflíkum og klæðast einhverju líflegu. Og þetta vorið eru næg tækifæri til þess. Skoðum nokkur af helstu trendum vorsins og mörg þeirra munu teygja sig inn í sumarið. Litagleði, leikur og frelsi einkennir vor- og sumartískuna í ár. Það er ekki ólíklegt að hönnuðir finni, rétt eins og við hin, fyrir létti og tilhlökkun í ljósi þess...