Nýtt landslag að hætti Ella Egilsonar 

Nýverið var sýningin Nevada opnuð í galleríinu Þulu en þar sýnir listamaðurinn Elli Egilsson ný málverk. Í nýju verkunum túlkar hann íslenska náttúru líkt og áður. „Engir sérstakir staðir eru hafðir í huga, pensillinn er látinn ráða för og verkin máluð á draumkenndan hátt með heimagerðum olíulitum þar sem listamaðurinn notar sína eigin olíulitaformúlu,“ segir í tilkynningu um sýningu Ella. Elli er sjálfmenntaður myndlistarmaður fæddur og uppalinn í Reykjavík, en hefur starfað síðustu misseri í Los Angeles og Las Vegas, þar sem hann er búsettur. Hann hefur látið til sín taka í myndlistinni undanfarin ár þar sem landslagsmálverk hans hafa