Húsgögn úr hafnfirsku hrauni 

IDEE hönnunarstudió frumsýndi nýverið spennandi húsgagnalínu undir vörumerkinu ID Reykjavik. Línan heitir Fasti og leikur íslenskt hraun aðalhlutverkið í henni, hrauninu er teflt á móti fallegum við, stáli og leðri. Innblásturinn er að miklu leyti fenginn úr litum íslenskrar náttúru. Nöfnin sem valin voru á húsgögnin innan línunnar eru örnefni úr hrauninu í kring um Hafnarfjörð. Húsgögnin eru gerð úr íslensku hrauni. ID Reykjavik er ungt og upprennandi hönnunarfyrirtæki sem leitast við að hanna formfagrar vörur með tengingu við íslensku náttúruna. Stofnendur ID Reykjavik eru Íris Ágústsdóttir og Freyja Árnadóttir.