Nennir ekki að ofhugsa hlutina og fylgir eigin sannfæringu

Texti/ Guðný HrönnMyndir/ Hallur Karlsson Kokkurinn Fanney Dóra Sigurjónsdóttir keypti sér nýlega íbúð í Skipholtinu sem henni tókst á mettíma að taka í gegn og gera einstaklega hlýlega. Fanney Dóra segist hafa lagt mesta áherslu á að íbúðin væri notaleg og að það væri gott að vinna í eldhúsinu. Henni tókst að framkvæma hvorutveggja. Það er góður andi í íbúð Fanneyjar Dóru enda er hún litrík og grænar plöntur prýða hvern krók og kima. „Pælingin var bara að gera rýmið kósí. Ég elska plöntur og náttúruleg efni eins og bambus, rattan og við og í gegnum árin hef ég sankað að mér þannig hlutum...