Helvíti eigin hugsana

Texti: Ragna Gestsdóttir Magnús Lyngdal Magnússon sagnfræðingur sendi nýlega frá sér bókina 10 dagar (í helvíti). Bókin er frumraun höfundar og þó að bókin sé ekki löng í blaðsíðum talið segir hún magnaða sögu úr hversdagsleikanum, sögu sem mörg okkar ættu að tengja við ef við lítum í eigin barm. Gunnar, miðaldra endurskoðandi, vaknar upp við vondan draum á þriðjudagsmorgni, ekki í eigin rúmi eða annars, heldur í fangaklefa. Gunnar hefur ekki hugmynd um hvernig hann endaði þar, en fangavörðurinn segir lögregluna hafa hirt hann upp í áfengisdauða fyrir utan bar á Klapparstíg kvöldinu áður. Gunnar er látinn laus og...