Áralöng vinátta einskis metin

Ég og Ágúst æskuvinur minn höfum brallað sitt af hverju saman í gegnum tíðina, allt nema verða ástfangin hvort af öðru þótt ekkert skorti upp á væntumþykjuna. Eftir að við eignuðumst maka urðum við fjögur mestu mátar en mjög óvænt sýndi eiginkona Ágústs mér að viðskipti skiptu hana mun meira máli en áralöng vináttan. Við Ágúst kynntumst á unglingsárunum, vorum hluti af stærra vinahópi en vinátta okkar tveggja risti dýpst því þótt alltaf sé væntumþykja í gangi í garð hinna í hópnum fórum við hvert í sína áttina eftir menntó, eins og gengur. Við Ágúst töluðumst við daglega lengst af,