„Útkoman hefur oft verið skemmtileg þótt sumar hugmyndir hafi verið kolvitlausar“

Texti og myndir: Guðrún Óla Jónsdóttir Í Hrífunesi í Vestur-Skaftafellssýslu ber blaðamann að garði á gistiheimilinu Glacier View Guesthouse. Ætlunin er að gista eina nótt áður en lengra er haldið á ferðalaginu en eðli málsins samkvæmt kemur blaðamannsnefið sterkt inn og það endar með því að eftir gistinóttina setjast blaðamaður og annar eigenda staðarins, Elín Arna Þorgeirsdóttir, niður með rjúkandi heitt kaffi við borðstofuborðið og taka spjall saman. Það kemur nefnilega upp úr krafsinu að Elín hefur komið víða við þótt Hrífunesið eigi hug hennar allan þessi dægrin. „Ég og maðurinn minn, Borgar Þorsteinsson, sáum auglýsta 30 hektara af landi