Affogato með koníaki og heslihnetum  

Umsjón/Folda GuðlaugsdóttirMyndir/Hallur Karlsson Þeir gerast varla einfaldari eftirréttirnir. Þessi klassíski ítalski réttur slær alltaf í gegn en í grunninn er hann kúla af góðum vanilluís með skoti af espressókaffi hellt yfir. Hér höfum við sett hann í sparibúninginn með góðum líkjör og ristuðum heslihnetum.  Affogato með koníaki og heslihnetum  fyrir 4-6 1 l vanilluís 120 ml koníak, eða góður líkjör ef vill 50 g heslihnetur, ristaðar, afhýddar og skornar smátt  6 skot espressó  Setjið ís yfir í glös eða skálar. Hellið koníaki yfir og sáldrið yfir heslihnetum. Berið fram strax með espressókaffi til að hella yfir.