Sara valin besti leikstjórinn

Texti: Ragna Gestsdóttir Sara Gunnarsdóttir, teiknimyndateiknari og leikstjóri, vann nýlega aðalverðlaunin fyrir bestu teiknuðu sjónvarpsseríuna á Annecy, virtustu animation-hátíð í heimi. Myndin My Year of Dicks vinnur með textabrot úr bók Pamelu Ribon. Myndin er rómantísk gamanmynd sem fjallar um hina 15 ára gömlu Pam sem hefur sett sér það markmið að missa meydóminn. Gerð myndarinnar tók um 18 mánuði, Sara hannaði útlit myndarinnar og leikstýrði. Ásamt henni unnu sjö listamenn að því að teikna myndina, þrír bakgrunnslistamenn og einn sem litaði.