Veiðimennirnir

Frekar seint á síðustu öld þegar andleg vakning ríkti og allt var morandi af alls konar námskeiðum sem sum áttu að veita fullkomið líf, lenti vinkona mín í klónum á erlendum mönnum sem virtust hafa komið til Íslands í þeim eina tilgangi að veiða fólk í söfnuð sinn, aðallega samt konur. Sjálfri fannst mér þetta tímabil bæði spennandi og skemmtilegt, var alin upp við trú á annan heim og átti að auki ömmu sem var snjöll að spá í bolla. Hún hafði kennt mér listina og ég kíkti oft í bolla fyrir vinkonur mínar. Ég var ekki sérlega ginnkeypt fyrir