Garðpartí í Laugardal

Texti: Ragna Gestsdóttir Tónlistar-, matar- og fjölskylduhátíðin Garden Party verður haldin í Laugardal laugardaginn 13. ágúst frá kl. 13-21.30. Hátíðin er hugsuð sem lítil bæjarhátíð fyrir Reykjavík þar sem öll fjölskyldan getur komið saman og skemmt sér í öruggu og hlýlegu umhverfi. Margir af fremstu tónlistarmönnum þjóðarinnar munu koma fram á hátíðinni: Bríet, Friðrik Dór, Birnir, Reykjavíkurdætur, Hipsumhaps og Mezzoforte. Ávaxtakarfan og Ræningjarnir úr Kardimommubænum verða á svæðinu ásamt leiksvæðum fyrir börnin, hoppukastalar, andlitsmálning og blaðrari. Matarvagnar og sölubásar frá nokkrum kokkum og veitingastöðum landsins tryggja fjölbreytt matarúrval. Upplýsingar: tix.is.