Sniðugt fyrir fólk á ferðinni 

Hafragrauturinn frá Kaju er spennandi nýjung fyrir fólk á ferðinni. Um lífrænan íslenskan hafragraut í pappaboxum er að ræða. Hella þarf sjóðandi vatni í boxið og bíða í um tvær mínútur áður en hann er tilbúinn, einfaldara gerist það ekki. Einnig er hægt að hella jurtamjólk í boxið og láta standa yfir nótt.  Hafragrauturinn er vegan og er fáanlegur í þremur útgáfum, þ.e. hafragrautur með döðlum og valhnetum, hafragrautur með ávöxtum og hafragrautur með súkkulaði og mórberjum.  Þetta er sniðug lausn fyrir þá sem vilja huga að heilsunni.