Ofsóttir í hárri elli

Ég hef búið í þremur löndum fyrir utan Ísland og aldrei hef ég kynnst neins staðar sömu grimmd og miskunnarleysi gagnvart gæludýrum og ríkir hér á landi. Ég á fimmtán ára gamlan kött og vegna ósættis við nágranna okkar út af viðgerðum á húsinu þarf ég nú annaðhvort að láta svæfa hann, þótt hann sé enn við góða heilsu, eða koma honum fyrir á nýju heimili. Þegar ég var barn bjuggum við um fimm ára skeið í Svíþjóð meðan pabbi minn var að klára nám. Meðan á dvölinni úti stóð áttum við hund, yndislega tík af tegundinni american cocker spaniel....