Jólaföndur fyrir fjölskylduna

Að eiga gæðastund með fjölskyldunni er ómetanlegt á þessum árstíma og það eru margar leiðir til þess að eiga saman notalegar kvöldstundir á aðventunni við að föndra og undirbúa jólin. Föndur er einnig skemmtileg leið til að verja stundum með fjölskyldunni og geta bæði börn og fullorðnir notið þess að perla, leira og búa til fallegt heimagert jólaskraut. Það þarf heldur ekki að kosta mikið að skapa eitthvað töfrandi til þess að fanga jólaandann. Hér eru nokkrar hugmyndir að því sem hægt er að föndra heima en auðvelt er að finna uppskriftir, ráð og innblástur á netinu, t.d. á Pinterest.