"Tónlistin bjargaði mér þegar ég hélt ég hefði ekkert meira að gefa"

Tónlistarkonan Elíza Newman kom fyrst fram í sviðsljósið með hljómsveit sinni Kolrössu Krókríðandi þegar þær sigruðu Músíktilraunir með látum árið 1992. Hún hefur starfað við tónlist alla tíð síðan og farið víða í tónlistarsköpun sinni, samið allt frá pönki til óperu til Eurovision laga með smá stoppi á Eyjafjallajökli og nú síðast Fagradalsfjalli á nýjustu plötunni, Wonder Days. Nýju plötuna samdi hún á algjörum núllpunkti í lífi sínu þegar hún var að jafna sig eftir krabbameinsmeðferð eftir að hafa greinst með brjóstakrabbamein í miðjum Covid faraldri. Þegar Elíza tekur á móti greinarhöfundi á heimili sínu spyr hún hvort megi bjóða