Löng helgi í London - Mæðgur ferðast

Texti: Valgerður Gréta G. Gröndal  Í lok mars fórum við Agnes Brynja, sem er 12 ára dóttir mín, til London í fjórar nætur. Ferðin hafði í raun verið í undirbúningi í tæp fjögur ár en upphaflega áætlunin var að fara til Berlínar árið 2020. Vegna heimsfaraldurs urðum við að fresta ferðinni en ákváðum svo að nýta ferðainneignina frekar í ferð til London. Ferðalög eru sameiginlegt áhugamál okkar og hefur Agnes þrátt fyrir ungan aldur gerst ansi víðreist. Í vetrarfríinu 2018 fórum við fyrst saman tvær einar í utanlandsferð en þá fórum við til Frankfurt í Þýskalandi. Það vill svo til...