Villa Vipp - Sumarhús í sveitasælu Ítalíu

Umsjón: Ritstjórn / Myndir: Frá framleiðendum og úr safni Í sumar opnaði Vipp dyrnar að stórglæsilegu gistihúsi í Cisternino i Puglia-héraði Hönnun hússins var í höndum hollenska hönnunarstúdíósins Studiotoff sem sérhæfir sig í að endurvinna og aðlaga í sínum hönnunarverkefnum. Þetta fjölskylduvæna gistihús er á einni hæð með útsýni allt um kring. Húsið er nútímalegt, ljóst og hannað með umhverfið í huga. Innanstokksmunir eru síðan úr smiðju Vipp og því kjörið fyrir alla aðdáendur þessa danska hönnunarfyrirtækis að kíkja á gistingu þar þegar þeir eru á ferð um Ítalíu.