Eldabuskan matarþjónusta

Nýverið stofnaði kokkurinn Guðmundur Óli Sigurjónsson matarþjónustuna Eldabuskuna. Það er þjónusta sem sendir kvöldmáltíðir heim að dyrum sem taka aðeins um 25 mínútur að gera tilbúnar fyrir matarborðið. Guðmundi fannst tíminn sem fjölskyldur hafa saman of dýrmætur og vildi því þróa þjónustu sem gerði kvöldmatartímann áhyggjulausan. Ásamt Guðmundi rekur Elín Bjarnadóttir fyrirtækið og hafa þau með sér frábært teymi fjölskyldufólks. Eins og er getur maður valið á milli níu mismunandi máltíða og ættu því allir að finna eitthvað við sitt hæfi.