Eva Schram og skringilífið

Í fallegu þríbýlishúsi við Seljaveg hefur listakonan Eva Schram búið sér huggulegt heimili ásamt dætrum sínum tveimur, Magdalenu og Æsu. Það er bóhem-bragur á íbúðinni. Í stofunni stendur veglegt píanó, veggirnir eru þaktir bókum og líflegum listaverkum og út um eldhúsgluggann er útsýni beint út á sjó. Eva er ekki eini listamaðurinn sem hefur hreiðrað um sig nyrst í gamla Vesturbænum en þar er að finna nýlendu skapandi fólks og er stemmningin eftir því. Á bak við húsið liggur Borgarstígur, þar sem Seljavegur og Framnesvegur mætast, og þar fá börnin að hlaupa um óhrædd og örugg á meðan þau fullorðnu...