Helvítis matreiðslubókin

Kokkurinn Ívar Örn Hansen, öðru nafni Helvítis kokkurinn, gaf nýverið út bókina Helvítis matreiðslubókin. Ívar er þekktur fyrir matreiðsluþætti sína á Vísi og Stöð2+ þar sem hann kennir fólki að elda einfaldan og góðan mat. Í þessari bók heldur hann áfram að leggja áherslu á þægindi í allri matargerð. Bókina gerði hann ásamt konu sinni, Þóreyju Hafliðadóttur margmiðlunar­ hönnuði, sem sá um hönnun og umbrot. Karl Peterson tók myndirnar og er hún gefin út af Bókabeitunni.