Ákváðu að selja allt og fara í leit að ævintýrum „Eins og staðan er núna er ég ekki að hugsa heim“ 

Ásta Sigríður Sveinsdóttir er fjörutíu og tveggja ára og er sífellt að leita leiða til að vera besta útgáfan af sjálfri sér. Hún flutti eftir Covid-tímabilið til Tenerife ásamt eiginmanni sínum og tveimur börnum og hún ræddi við blaðamann um það hvað varð til þess að þau tóku þessa stóru ákvörðun. Ásta segir að það hafi eitthvað gerst innra með þeim þar sem þau áttuðu sig á hvað allt getur breyst á svipstundu og að lífið er núna. Henni fannst það að vera komin á fimmtugsaldurinn vera svolítið eins og hálfleikur og núna væri kjörinn tími til að taka pásu...