Langaði að flýja inn í annan heim 

Rithöfundurinn Hildur Knútsdóttir fæddist í Reykjavík árið 1984 og býr í dag í Vesturbænum með eiginmanni sínum og tveimur dætrum. Hildur er femínisti og virk í baráttunni gegn loftslagsbreytingum en hennar helsta áhugamál er að lesa. Hún er ötull höfundur, skrifar bækur fyrir bæði börn og fullorðna sem og leikrit og smásögur og er einna helst þekkt fyrir furðusögur og uggvænlegar hrollvekjur. Hún hefur einnig skrifað bráðfyndnar bækur í félagi við Þórdísi Gísladóttur sem fjalla um krísur í lífi nútímaunglingsins og hafa notið mikilla vinsælda. Verk Hildar hafa hlotið fjölmörg verðlaun og viðurkenningar, þeirra á meðal Fjöruverðlaunin, Bókmenntaverðlaun kvenna, Íslensku