Völvan 2025: Það rofar til yfir Íslandi

Það ískrar í svörtu stálhliðinu sem blaðamaður Vikunnar opnar á leið sinni til fundar við dularfyllsta viðmælanda ársins. Heimsóknin er í kjallara sem gengið er niður í úr bakgarði stórs steinhúss í rótgrónu reykvísku hverfi. Blaðamaður hafði fengið skýr fyrirmæli um að ganga beint inn í íbúðina, án þess að banka eða hringja dyrabjöllu.  Á löngum gangi íbúðarinnar hringar köttur sig um fætur gestsins. Sterkur reykelsisilmur fyllir vitin og á veggjunum hanga fjaðrir, þurrkuð blóm og fuglaklær.  Völvan situr við dökkt borðstofuborð í lítilli stofu íbúðarinnar. Hún hefur raðað ýmsum munum í kringum sig sem koma til með að hjálpa...