Listaheimur í Laugardal 

Umsjón/ Telma Geirsdóttir Myndir/ Sunna Gautadóttir Sigurður Atli Sigurðsson, myndlistarmaður og galleríeigandi, og Sóley Frostadóttir, danshöfundur og ritstjóri, búa ásamt börnum sínum í Laugardalnum. Þau lýsa hverfinu eins og litlu þorpi þar sem þau sitja í eldhúsglugganum með kaffibollann og fylgjast með krökkunum leika sér úti á róló. Listræn hlið parsins endurspeglast í heimilinu en þessi 124 fermetra sjarmerandi íbúð frá 1961 er stútfull af listaverkum, einstökum húsgögnum og öðrum fjársjóðum. Vetrarsólin sýndi sínar bestu hliðar þegar við gengum inn í hlýlega íbúð á efstu hæð í fjölbýlishúsi um miðjan janúar. Þar hafa þau Sigurður Atli og Sóley búið sér