Ferskir og vorlegir kokteilar á Mat Bar

Í hjarta miðborgarinnar, á horni Hverfisgötu og Smiðjustígs, má finna Mat Bar, lítinn og huggulegan veitingastað í eigu Þóris Jóhannssonar. Staðurinn opnaði dyrnar árið 2017 og hefur glatt matgæðinga Reykjavíkur allar götur síðan. Maturinn á Mat Bar er fjölbreyttur og að eigin sögn flakka þau um allan heim í matargerðinni en seðlinum er breytt reglulega. Það er þó ekki einungis dýrindismatur á boðstólum á Mat Bar heldur má þar líka gæða sér á ferskum og bragðgóðum kokteilum. Yfirbarþjónninn Stefanía Sigurdís Jóhönnudóttir tók á móti okkur á dögunum og blandaði fyrir okkur þrjá litríka og vorlega kokteila. Tapas frá öllum heimshornum