Ævintýrasaga garðsins villta í Þingholtunum

Vigdís Hrefna vandist því á æskuheimili sínu í Þingholtunum að garðrækt væri hluti af samverustundum fjölskyldunnar en fann þó ekki fyrr en hún eignaðist sinn eigin garð á fullorðinsárum hversu mikla ánægju það veitti henni að sinna garðrækt.Sérhver garður hefur sögu að segja. Vegfarendur eru þó misjafnir, sumir þjóta hjá án þess að leggja við hlustir á meðan aðrir doka við og gefa ólíkum sögunum gaum. Við Bergstaðastræti má finna garð með slíka ásýnd að blaðamaður finnur sig afdráttarlaust í seinni hópi vegfarenda, þeirra sem þyrstir í innsýn í leyndardómana sem búa að baki. Konan á bak við garðinn, eða