Farsæld ungmenna í náttúrunni

MENNTAVERÐLAUNIN 2024 TEXTI: NANNA ÓSK JÓNSDÓTTIR MYNDIR: SJÁLANDSSKÓLI Hrafnhildur Sigurðardóttir, kennari við Sjálandsskóla í Garðabæ, tekur brosandi á móti mér með roða í kinnum þar sem hún er nýbúin að ljúka við útikennslu á föstudegi í guðsgrænni náttúrunni sem umlykur skólann. Ferskir vindar næða um þessa dökkhærðu og fáguðu konu og við hlömmum okkur í sófann á kennarastofunni. Hrafnhildur er sannur skáti og útivistarmanneskja í húð og hár. Íklædd sportlegum útivistarfatnaði leiðir hún mig inn í fræðandi ævintýraheim sem útikennslan er. ,,Að vinna við það sem maður hefur ástríðu fyrir er ómetanlegt. Ég finn stöðuga hvöt til að þróa, bæta