Bandarískt búningadrama á breskri grund

Texti: Steinunn Jónsdóttir Myndir: Af vef Kvikmyndir og sjónvarpsþættir þar sem sögusviðið er samfélög fyrri tíma hafa alltaf verið vinsæl afþreying en líklega aldrei meir en nú. Eftir að Bridgeton-þættirnir, sem gerast á fyrri hluta nítjándu aldar í Bretlandi, slógu í gegn hjá áhorfendum hefur aðdáendahópur rómantískra „períódu“-frásagna stækkað til muna. Fylgst er með flóknu tilhugalífi fallegra og uppstrílaðra karaktera frá löngu horfnum tímum sem eiga misauðvelt með að fara eftir ströngum reglum samfélagsins í leit sinni að álitlegum lífsförunaut. Rómantíkin er þungamiðja þessara frásagna og því epískari sem ástarsögurnar verða því betra. Sú er einmitt raunin í þáttunum The