Leyndi draumurinn rættist  

Umsjón: Snærós Sindradóttir Myndir: Sunna Gautadóttir Svala Ísfeld Ólafsdóttir, dósent við lagadeild Háskólans í Reykjavík, hefur helgað sinn starfsferil því að rannsaka kynferðisbrot og birtingarmynd þeirra í íslensku samfélagi. Hún ólst upp í Reykjavík og uppgötvaði snemma á akademíska ferlinum að draumurinn væri að kenna refsirétt við háskóla. Á fimmtugsaldri kláraði hún frönskunám í háskóla til að bjarga sér á ferðalögum og lesa bækur eftir uppáhalds frönsku skáldin sín. Svala er uppalin í Reykjavík, dóttir Akureyringsins Ólafs Birgis Árnasonar hæstaréttarlögmanns og Norðfirðingsins Steinunnar Ísfeld Karlsdóttur, kaupmannsdóttur í Neskaupstað. Hún er fædd 1963 en foreldrar hennar skildu eftir laganám föðurins og